Artzai Eguna, euskal artzaintza tradizionalaren lanbideari omenaldia egitea helburu duena, lurraldearen eta ingurumenaren jasangarritasunaren aldeko apustua da berez. Abeltzaintza estentsiboak, ustiategi txikien bitartez eta sektoreko lehengaiak eraldatuz sorturiko produktuak lantzea, despopulazioaren aurkako borroka gisa lurraldean kokatzen laguntzen dute, edota gure paisaiak eta ingurua mantentzeko jardunbide ezinbestekoa da. Produktu eta gazta ekologikoen aldeko apustua edo zero kilometroko produktuen kontsumoa ere jaiaren bereizgarri dira.
Jai honen antolakuntzatik ere lanean ari gara egun bera ere ahalik eta jasangarriena izan dadin, honelako ekintzekin:
- Lehendik badauden eta/edo berrerabil daitezkeen azpiegiturak erabiliz.
- Energia-iturri berriztagarrietatik sortutako energia erabiliz.
- Tokiko hornitzaileak edota iraunkortasun-irizpideak aplikatuz lan egiten dutenak hautatuz.
- Inprimatutako materiala minimizatuz eta ahalik eta ekologikoena izan dadin lan eginez.
- Berriro erabiltzeko ontziteria erabiltzea, edo behin erabiltzekoa dena % 100 konpostagarria izatea.
- Uraren kontsumo arduratsua sustatuz.
- Sarera konektatutako komun eramangarriak erabiliz.
- Sortutako hondakinak birziklatzea sustatuz.
- Garraio publikoaren erabilera (ahal den neurrian) edo ibilgailu pribatuen erabilera partekatua sustatuz. Trenen ordutegiak https://www.renfe.com/es/es autobuses https://laburundesa.com/wp-content/uploads/2024/06/NAV004.pdf
Jaia jasangarria izan dadin, bisitariek ere laguntzea eskatzen dugu zeregin horretan. Hori dela eta, Artzai Egunean jardunbide egokiak gauzatzea eskatzen dizuegu, hala nola zaborra behar bezala birziklatzea, garraio publikoa erabiltzea edo ahal den neurrian garraiobidea partekatzea.
Karbono-aztarna
Oraindik ere zaila egiten zaigu sortutako karbono-aztarna neurtzea, baina aplikazio erraz hau uzten dizuegu, gure egunerokoan sortzen dugun karbono-aztarna kalkulatzen lagun baitezake.