Gazta

LURRALDEAREN BABESERAKO JATORRI-DEITURAK DUEN GARRANTZIA

Jatorri-deitura bat desberdin egiten duenak ez da izena.  Jatorria da berezitasuna ematen diona eta beste toki batzutan eta beste arau batzuekin lortutako produktuetatik desberdintzen duena With a sleek mobile-optimised design and lightning-fast loading, this site makes gaming on the move effortless. Test your luck and explore the games at Gamblezen.

Bere helburuak betetzen dituzten Jatorri-deitura guztiek hiru oinarri dituzte, eta hiruetako batek huts egiten badu, ez da Jatorri-deitura bat izango, beste gauza bat baizik. Lehenengo euskarria Lurraldea da. Hau erabat mugatuta egon beharko da, akats edo nahasketarako lekurik gabe, eta errepikaezina izan behar da, munduan ez bait daude bi lurralde berdin.  Artzai Eguna ospatzen ari garen lurralde honetan bi Jatorri-deituren estalkia daukagu:  IDIAZABAL Jatorri-deiturak Euskadi eta Nafarroa barne hartzan ditu, Erronkaribarreko zazpi herriak izan ezik.  Hauetan RONCAL Jatorri-deiturapean egiten da gazta.

Bigarren euskarria lurralde barruan ematen den produktua da.  Produktu hau berezkoa eta bertakoa behar du izan, ez artifizialki sartua edo duela gutxikoa. Babesten gaituzten Jatorri-deituren bigarren euskarri honen arrazoia latxa, carranzana eta navarra arrazako ardiak dira; urtaroko ekoizpenekoak, beren espezietan bakarrak, aintzina-aintzinatik lurralde honetako biztanle. Ardi hauen esnearekin, elaboratua edo gordinik eraldatua, azken produktua lortzen da: Jatorri-deitura duten gaztak, paregabeak eta errepikaezinak.

Hirugarren euskarria gure arbasoen milaka urteko kulturak eta ohiturek produktuari transmititzen diotena da. Europak internazionalki erregistratu eta babestutako izenenpean merkaturatuz.

Behar den bezala egiaztaturik edo identifikaturik ez dauden produktuen aurkezpenak Jatorri-deituren marka, kolore, ezaugarri edo hurbiltasuna gogorarazten badigute ere, kontsumitzaileek eska  beharko dute  ziurtatutako produktua.

Produktuaren trazabilitatea artaldea osatzen duten animalietatik merkatura ateratzen den azken gazta arte justifikatu behar da, egiaztapen zehatz baten pean eta agintari eskudunek ikuskatuak.

Produktuaren bereizgarriak eta bere elaborazioak daramatzan eskaerak direla eta, Jatorri-deiturenpean dauden gaztek ezin dute prezioa jaitsi ezta bere ekoizpena nabarmenki areagotu ere. Bere eboluzioa beti izango da pixkanakakoa, gehikuntza txikiekin denboraldi bakoitzean.

Kontseilu Arautzailearen bidez, Jatorri-deituraren helburua bere barne dagoen lurraldea babestea, latxa arrazako artaldeekin lan egiten duten pertsonak defendatzea eta  kontsumitzaileei marka eta bereizgarri erregistratuen bidez erosten dituzten produktuen egiazkotasun eta kalitatea bermatzea da.